f.sh Pallcisht - Tetove

Të dhëna për fshatin Pallçisht
Historiku i fshatit

Pallçishti i Poshtëm në historiografi haset si shumë fshatra të trevës së Pollogut në dokumentat e osmanlinjve. Në vitin 1455 fshatin Pallçisht e hasim për tre lokalitete me të njëjtin emër, me 10 shtëpi, lokaliteti i dytë me 14 shtëpi dhe ai i treti me 23 shtëpi. Siç kuptojmë nga gojëdhënat, fshati dikur është shtrirë në vendet e quajtura Selishtë dhe Dërnik, që për të dëshmi janë vetëm themelet e objekteve që i ka mbuluar erozioni, por që flasin qartë për lashtësinë e pandriçuar.



Shtrirja gjeografike

Fshati Pallçisht i Poshtëm shtrihet rrëzë malit Shar, gjashtë kilometra në veriperëndim të Tetovës dhe njëzet kilometra afër Gostivarit të Maqedonisë perendimore.



Gjendja demografike dhe
përkatësia nacionale e banorëve të fshatit

Fshati Pallçisht i Poshtëm ka më se 600 familje dhe afro 3500 banor. Sipas moshës kjo popullatë është e re, me më se 65 % i takon moshave prej 1 deri në 40 vjeç.
Për nga përkatësia nacionale gati të gjithë janë shqiptar, përveç të dy familjeve që janë maqedon.
Për nga përkatësia fetare poashtu të gjithë janë me konfesionin Islam, në përjashtim të dy familjeve që janë të krishter (ortodoks).