Dobroshti

Pozita gjeografike
Në kilometrin e 15-të të aksit rrugor Tetovë - Glloboçicë që kap anën verilindore të Tetovës, gjendet fshati Dobrosht. Në bazë të ndarjes së re teritoriale i takon komunës së Tearcës, ku ka dy këshilltarë komunal.
 

Harta
Të dhënat kryesore
Komuna:	| Komuna e Tearcës
Koordinatat:	42° 6' 12N, 21° 4' 40E
Lartësia (m.):	494 metër m.n.d.
Sipërfaqja:	XXX km²
Popullsia:	Afër 5'000 (1993)
Grupet etnike:	Shqiptarë (97 %) Maqedonas (3 %)
Grupet fetare:	Musliman sunitë (97 %) Krishter ortodoks (3 %)
Numri postal :	1211
Politikë
Kryetari:	XX XX (Partia

Shtrihet në lartësi mbidetare 500 metra, dhe radhitet ndër fshatrat mesatarë. Fshati numëron rreth 600 shtëpi dhe rreth 5 mijë banorë.
Si në shumë fshatra tjerë edhe Dobroshti i ka Bashkësinë vendore, dy xhami, dy ambulanca si dhe shumë ndërmarrje të ndryshme private ekonomike. Dobroshti ndahet në Mahallët e Lumjanëve, Trakalaçve, Haxhiallarëve, Pervisteve, Restemallarëve, Çitakllarëve dhe Fidallaret gjithashtu ende me përkushtim ruan llagapet e familjeve të cilat janë: Lumjan, Trakalaç, Çitak, Pervist, Dibran e tjera.

Vendbanime fqinje:
Dobroshti kufizohet me Nerashtin, Gllogjën, Odrin, Jelloshnikun, Përcën, Jegunofcën dhe | Bjeshkët e Sharrit me Kosovën.

Historia
Fshati Dobrosht në histograsfinë turko-osmane të shekulliut XV, daton prej 1453, ka pasur 48 familje, ndërsa më 1468 - 90 familje, por kjo nuk do të thotë se ky fshat nuk ka ekzistuar që më herët. Duhet gjurmuar se sipas shumë të dhënave historike në Dobrosht ka pasur 4 kisha dhe manastire të cilat kanë qenë në shërbim të popullatës shqiptare-katolike të asaj kohe, të cilat njëherë edhe dëshmojnë për lashtësinë dhe për vend varezat e ndryshme. Por, edhe në hapësirën tokësore është mjaft e pasur më vendemërtime siç janë: Te gjuri madh, Te mulliri (prej 5 mullinjëve sot punon vetëm njëri), Te Lamët, Te lugjat, Kah rrojna, Kraishtet, Silistrajcat, Te shenjat, Livadhet e popit, Pefçinat, Druni i madh e shumë mikro-vendemërtime që janë në interes të shënohen ngase ende mund të gjenden në gojëdhënat e banorëve të Dobroshtit. Në Luftën e Dytë Botërore, nga ky fshat janë vrarë 33 burra dhe 38 burra të tjerë janë pushkatuar nga uniforma partizano-sllave-komuniste.

Kultura, arsimi dhe sporti

Kultura
Në fshatin Dobrosht ka disa vite që funksionon teatri për fëmijë "PINOKIO".Duhet theksuar se është një senzacion, që në fshatrat e Pollogut të gjendet një veprimtari e tillë si e teatrit "PINOKO". Trupa teatrale e teatrit "PINOKIO", përbëhet nga aktorë amatorë, por kryesorja është që nga ata zhvillohet një art, që në rrethinën tonë të pakonkurencë ka vlerë të madhe për dashamirët e artit që janë të paktë në numër.Teatri amator për fëmijë u formua në fillim të vitit 1998 dhe deri tani ka arritur të shfaq një mori pjesësh teatrale për fëmijë.

Arsimi
Në shkollën fillore qendrore "Faik Konica" të Dobroshtit, mësojnë 480 nxënës në dy ndërrime me 19 paralele, ku drejtor i shkollës është Ramadan Azemi. Kjo shkollë për herë të parë u ndërtua në vitin 1926 ku mësimi është ndjekur në gjuhën sërbo-kroate. Është rindërtuar në vitin 2000 prej Shoqatës italiane "ICRM" në shumë prej 25 mijë euro, ku me 20 % të mjeteve financiare ka marë pjesë edhe shkolla. Më 13.11.2002 në Lagjen e Poshtme, solemnisht u inagurua objekti i ri i shkollës lu do të mësojnë 117 nxënës në 5 paralele; një fsohnjore, tri fillore dhe një të klasë e përzier në gjuhën maqedonase. Në praninë e shumë mysafirëve dhe zirtarëve eminent nga vendi dhe jashtë, solemnitetin e shpalli të hapur Ramadan Azemi- drejtor i shkollës fillore "Faik Konica". Në këtë solemnitet përshëndetën me fjalë rasti shumë personalitete të shquara si përfaqësues nga shoqatat e ndryshme donatore për ndërtimin e këtij objekti. Shkollën e re e lëshuan në përdorim Lorens Batler-ambasador i Shteteve të Bashkuara të Amerikës në Maqedoni dhe Ramadan Azemi drejtor i shkollës. Objektin e ri e kanë financuar Ministria e Arsimit të Republikës së Maqedonisë dhe donatorët USAID, IOM, CRS, UNCHR e të tjerë, të cilëve për kontributin e dhënë iu ndanë mirënjohje publike.
Kjo godinë e re paraqet gëzim të madhpër vogëlushët e Lagjës së Poshtme të Dobroshtit, sepse mësimet do t'i vijojnë afër shtëpive të tyre.
Gjithashtu me nder të veçantë i kujtojnë mësimdhënësit e parë si: Muhamet dhe Istref Mahmuti, Nexhat Pustina, Adile Pustina, Selajdin Qazimi, Enver Shala, Enver Murati, nga Dobroshti: Zelfi Aliti, Jakup Aliti, Menaf Elmazi, Kurtish Aliti, Jumni Elmazi, Selim A. Selimi, Setki Azemi e të tjerë.

Sporti
Me ndihmën e IOM-it para disa viteve është ndërtuar edhe fusha sportive në qendër të fshatit.
Vite me rradhë në Dobrosht ka funksionuar vetëm një klub fudbolli i njohur si "Slloga", klub në të cilin të drejtë eksluzive për udhëheqje kanë pasur maqedonasit dhe ndonjë shqiptar. Ky ishte qëllimi kryesorë që shumë aktivistë dhe dashamirë të sportit gjatë vitit 1998 të riorganizohen dhe klubit në fjalë t'ia ndërojnë emrin nga KF "Slloga" në KF "Dobrosht 98", ku shumica dërmuese e udhëheqësisë ishin shqiptarë.
Ambiciet e klubit ishin të mëdha, por kuvendi i 25 dhjetorit-1998 në LF të Tetovës ishte i kobshëm për shumë klube shqiptare dhe prej atëherë ky klub ka ngrirë aktivitetet e veta. Në sezonin e ardhshëm klubi përsëri do të riaktivizohet. KF "Dobroshti 98" ka kushte optimale për garim të suksesshëm, kur dihet se disponon me terren të fudbollit.

Ekonomia, infrastruktura dhe politika

Ekonomia
Fshati Dobrosht ka një përqindje të madhe të banorëve që marin ndihma sociale. Rinia e fshatit edhe pse me përgaditje përkatëse arsimore, me të mesme dhe një numër simbolik me arsim fillor, nuk janë të punësuar apo simbolikisht janë në administratën shtetërore. Si në shumë vende të tjera edhe në arat e këtij fshati që janë mbi 5 ha, një numër i banorëve shfrytëzojnë kultura të ndryshme të bujqësisë, por që janë për nevojat familjare dhe sadopak për treg. Vetë shtrirja e bukur rrëzë Malit Sharr të jep përshtypje se ky fshat është në zhvillim e sipër për çka dëshmonjnë edhe shtëpitë e reja të ndërtuara në këto 5 vjetët e fundit si dhe nuk është evidente komponenta e migracionit fshat-qytet apo diku më larg.

Infrastruktura
Të gjitha investimet në infrastrukturën e këtij fshati kënaqin, sepse deri tani gjithçka është bërë me vetë kontributin e dobroshtasve, me përjashtim të rrugës rajonale e cila është ndërtuar në vitin 1968.
Në Dobrosht uji për pije është i ndaluar nga Enti i epidemologjisë. Ai së pari duhet të zihet për tu përdorur dhe u mungon një pishinë, për të cilën bashkësia vendore ka përgaditur project i cili do të kushtojë mbi 150 mijë euro, që do të thotë se pjesërisht do do ta zgjedhë këtë problem jetik.
Banorët e Dobroshtit janë me lidhje telefonike të rrjetit tokësor, por ankohen se kanë nevojë edhe për numra të rinj. Ndriçimi publik i këtij fshati, siç shprehte kryetari i bashkësisë vendore Isen Hasani, "duhet të sanohet në bashkëpunim me komunën e Tearcës".
Gjithashtu, edhe pse janë instaluar dy trafostacione për të cilat janë i janë mirënjohës Nadi Sulejmanit, zëvendësdrejtor në Elektrodistribucionin e Tetovës, thonë se kanë nevojë edhe për tre tranfostacione të reja që besojnë se do të hasin në mirëkuptim tek organet përkatëse të elektrodistribucionit.
Rrugicat janë të shtruara me asfalt dhe kuti bekatoni si dhe është rregulluar sadopak kanali, i ci li shërben për ujërat e zeza që në vitin 1985 që ka kushtuar rreth 2 milion marka gjermane. Aktualisht ka dy palë varreza, ato të vjetrat dhe të rejat

Politika
Bashkëpunimi me komunën e Tearcës
Bashkësia vendore e cila ka anëtarë të cilët janë thuajse të gjihtë me fakultete si dhe me tituj shkencorë, kanë dy këshilltarë komunal e i kanë të harmonizuara qëndrimet dhe kërkesat për të mirën e vetë fshatit, të cilën gjë e konfirmon edhe kryetari i kësaj komune Llokman Elezi, i cili deklaron: "Bashkpunimi me Bashkësine vendore dhe me komunën e Tearcës nëpërmjet këshilltarëve nga ky fshat janë shumë të mira, edhe pse fsahti Dobrosht i ka karakteristikat e veta. Për nevojat dhe kërkesat jetika i kanë të harmonizuara veprimet dhe qëndrimet që dëshmon se edhe Këshilli i bashkësisë vendore thuajse të gjitha projektet i koordinon në interes të ndërsjelltë, pra komunë-bashkësi vendore, që bashkërisht të ndihmojnë në të mirën e të gjithve edhe pse presin ende investime në rrafshin e infrastrukturës. Për të ardhmen shprehin dyshim, por prapëseprap ka shenja optimizmi se do të bëhet mirë nëse jetësohet Marrëveshja e Ohrit. Si shumë fshatra, edhe ky fshat me banorët e vetë shpresojnë në ditë më të mira".

Personalitete
Dobroshtasit gjithmonë përkrahën çështjen kombëtare
Duhet veçuar se ky fshat ka dhënë figura të shquara në rrafshin e shkencës, gjithashtu edhe figura të tjera siç është plaku i urtë i konaqeve i cili i ka respektuar me përpikmëri zakonet shqiptare Isen Hasani, Kadri Azemi-luftëtar i vrarë në betejat e Karadakut më 1917, Isen Rustemi, Halil Ivaja - Koxhaku e shumë e shumë të tjerë, ndërsa për periudhën 1940/1945 përmenden Ramadan Ramadani, Metë Azizi, Brahim Halimi, Llokman Lutfiu dhe Hafëz Jusuf Azemi-simbol i Ballit Kombëtar në Luftën e Dytë Botërore