Kamjan

Fshati Kamjan i takon grupit të vendbanimeve që shtrihen në rrëzë të malit Sharr, në Pollogun e Poshtëm, në veriperendim të Maqedonisë. Ka drejtim të shtrirjes lindje-perëndim dhe ndodhet në jug-perëndim të qytetit të Tetovës. Hapsira e Kamjanit shtrihet në anën e majtë të lumit Vardar. Ajo kufizohet me Komunët e: Tetovës, Shipkovicës, Bogovinës dhe Bervenicës. Përmes territorit fshatiti Kamjan kalon autostrada kryesore Shkup - Tetovë - Gostivar, si dhe paralelisht me të kalon edhe rruga rajonale e cila i lidh komunat dhe vendbanimet që shtrihen përgjat malit Sharr.

Territori i ish Komunës së Kamjanit përfshinte hapsirë prej 70 km2. Dendësia mesatare e popullatës përfshinë 175 banorë në një km2 dhe kjo përqindje e madhe vjen si rezultat i popullsisë së madhe dhe teritorrit të vogël.

Me regjistrimin e fundit të viti 2002 ish Komuna e Kamjanit ka pasur 15.500 banorë, numër i cili është relativisht i lartë për komunat rurale. Sa i përket strukturës etnike të Komunës, në 10 vendbanime përgjithësisht jetojnë popullatë Shqiptare ndërsa dy vendbanime janë me përbërje të popullsisë Turke afërsisht 95.3 % deri 86.8 %. Popullsia maqedonase participon me një përqindje minimale dhe atë në dy vendbanime me 1.0% dhe 0.3 %.

Në bazë të numrit të popullatës ish Komuna e Kamjanit në përgjithësi përbëhet prej fshatrave të mëdhenj me nga më shumë se 800 banorë.

Për nga struktura e relievit 5 vendbanime janë të rrafshta, një është ruarale dhe 4 janë malore.

Në këtë rajon sundon klimë e mesme kontinentale gjegjësisht me shumë ditë me diell gjatë vitit. Ka verëra të ngrohta dhe pjesërisht me lagështi, dimra të ftohtë dhe me borë, kurse pranvera dhe vjeshta janë me shira të shpeshtë.

Pasi që është e rrethuar nga të gjitha anët me male dhe si pasojë e paraqitjes së rrymave të ngrohta dhe të ftohta të ajrit, në fushën e Pollogut vjen deri te paraqitja e procesit të inverzionit. Mjegullat në Pollog paraqiten më së shpeshti kah fundi i vjeshtës si dhe në muajn shkurt dhe mars. Sasia mesatare e të rreshurave vjetore arrinë 757,8 l/m3. Lagështia relative mesatare është 72 %, me vlera dimërore 82,5 dhe verore prej 62,4.

Gjithsejtë hapsira agrare e ish Komunës së Kamjanit përfshinë 6.419 hektarë, nga të cilat 2.616 h ose 40.7 % është tokë punuese - pjellore, 3.029 h ose 47.2 % janë kullota dhe 774 h ose 12.1 % janë pyje. Nga kjo rrjedh se në ish Komuën e Kamjanit ka hapsirë për zhvillimin e degëve të bujqësisë si dhe blektorisë në fshatrat malore.

Ish Komuna përbëhet nga 10 vendbanime, ku vendbanimi Kamjan është selia e Komunës me afërsisht 5.500 banorë.